Қудратилло Абдуқаҳҳоров янги промоутерлик компанияси билан шартнома имзолади

Профессионал боксчимиз Қудратилло Абдуқаҳҳоров Боб Арумга тегишли “Top Rank” промоутерлик компанияси билан шартномани бекор қилганлиги ва тез орада янгиси билан ҳамкорлик қилиши кутилаётганлигини маълум қилган эдик.

Кутилаётган воқелик амалга ошди. Яъни, боксимиз АҚШда фаолият юритаётган, профессионал бокс оламида ўз номига эга уругвайлик промоутер Сампсон Левкович билан ҳамкорликни бошлади. Янада аниқроқ қилиб айтсак, энди у “Sampson boxing” промоутерлик компанияси билан шартнома имзолади.

Ҳамюртимиз эндиликда Левкович билан жиддий жангларда муваффақиятлар қозонишига тилакдошмиз!