Рақиб Гвардиоланинг “мазасини қочирадиган” мураббий қидиряпти

“Челси” анчадан бери жанговар жамоа шакллантира оладиган бош мураббийга ёлчимаяпти.

“Арситократлар” бу гал бўлажак бош мураббийни аниқ талаблар остида қидирмоқда.

Клуб хўжайинлари қарорига кўра, янги мутахассис “Манчестер Сити” ва “Арсенал”ни бошқараётган Хосеп Гвардиола ва Микель Артета билан рақобатлаша оладиган бўлиши керак.

Бунинг учун номзод клуб структурасига мос тушиши, жамоада тўпни назорат қилиш бўйича устунликни таъминлайдиган ўйин услубини жорий қилиши, ҳамкорликка мойил ҳамда матбуот босимига бардошли бўлиши талаб этилади.

Ҳозирча бу талабларга кўпроқ “Лестер” бош мураббийи Энцо Мареска тўғри келаётгани учун айнан у асосий номзод ҳисобланади.

Бундан ташқари, “Челси” рўйхатидан Киран Маккенна (“Ипсвич”), Томас Франк (“Брентфорд”) ҳамда Себастиан Хенесс (“Штутгарт”) каби мутахассислар ҳам ўрин олган.