Рашид Ғофуров аввалги иш жойига қайтди

Футбол мухлисларига жуда яхши таниш бўлган наманганлик мутахассис Рашид Ғофуров яна мураббийлик фаолияти билан шуғулланади. Гап шундаки, у аввалги иш жойига қайтарилди. Бу хусусида "Навбаҳор" клуби матбуот хизмати шундай хабар қилади:

“Навбаҳор-фарм” жамоасини тўрт мавсум давомида бошқариб, биринчи лигадан Про лигага чиқишига ўзининг муносиб ҳиссасини қўшган  Рашиджон Ғофуров ўтган мавсум якунланганидан сўнг, бошқа лавозимга ўтиши муносабати билан фарм жамоа мураббийлигидан истеъфога чиқарилганди.

Маълум муддатлик танаффусдан сўнг, маҳоратли мутахассис яна ўз лавозимига қайтди. Рашиджон Ғофуров янги мавсумда ҳам “Навбаҳор-фарм”ни бошқарадиган бўлди”.

“Навбаҳор” ПФК матбуот хизмати.