Rasman! "Inter" futbolchisi "Napoli"ga o‘tdi

Milanning “Inter” klubi yarim himoyachisi Matteo Politano mavsumni “Napoli”da davom ettiradigan bo‘ldi. Bu haqda klub rasmiy sayti xabar tarqatmoqda.

Yuqoridagi manbaaga ko‘ra neapolliklar 26 yoshli futbolchini keyinchalik sotibolish sharti bilan ijaraga olishgan. Ayrim manbaalarga ko‘ra Politanoning transferi “Napoli”ga taxminan 25 mln evroga tushadi. Futbolchining yillik maoshi esa 2,2 mln evroni tashkil etadi.

Ma’lumot uchun, Politano joriy mavsum A Seriyada jami 11 ta o‘yinda maydonga tushdi.