Расман! Испания кубоги финали келаси мавсум ўтказиладиган бўлди

“Атлетик” Бильбао ва “Реал Сосьедад” жамоалари ўртасидаги Испания кубоги финали келаси мавсумда ўтказиладиган бўлди.

Бильбаоликлар расмий сайти тарқатган хабарга кўра, “Атлетик” ва “Сосьедад” президентлари Испания қироллик футбол федерацияси раҳбарияти билан учрашишган ва финални вазият юмшаганда мухлислар қаршисида ўтказиш таклифига розилик билдиришган. Аммо, шу билан бирга улар кубок ғолиби расмий мақомда эълон қилиниши ва еврокубоклар йўлланмаси берилишини ҳам талаб қилишмоқда.

Айтиш керакки, мамлакат футбол федерацияси финалчи клубларга 2 та таклиф юборган эди:

- Финал августда мухлисларсиз ўтказилади ва ғолиб жамоа еврокубок йўлланмасини қўлга киритади.

- Финал келаси мавсумда мухлислар билан ўтказилади. Аммо, бу ҳолатда ғолиб жамоага УЕФА еврокубокларда қатнашиш ҳуқуқини бермайди.

Матнда хатолик топсангиз, ўша хатони белгилаб, бизга жўнатинг (Ctrl + Enter)