Rasman! "Navbahor" legioneri jamoani tark etdi

Joriy mavsum avvalida, "Navbahor" tarkibiga bir qator yangi futbolchilar, jumladan, serbiyalik legionerlar tashrif buyurgandi. Ular orasida 33 yoshli yarim himoyachi Marko Putinchanin ham bor edi.

Putinchanin joriy mavsumda Superliga bahslarida “lochinlar” tarkibida jami 8 o‘yinda maydonga tushib, jami 575 daqiqa harakatlandi. O‘zbekiston kubogi doirasida esa bitta uchrashuv o‘tkazib, 32 daqiqa o‘ynadi.

Ta’kidlash joizki, serbiyalik futbolchi namanganliklarning dastlabki 6 o‘yinida maydonda to‘liq – 90 daqiqa to‘p tepgandi.

O‘zaro kelishuvga muvofiq, “Navbahor” klubi Marko Putinchanin bilan tuzilgan shartnomani bekor qildi. Bu haqda klub matbuot xizmati xabar berdi.