Расман! Остон Ўрунов жамоасига испаниялик мутахассис бош мураббий бўлди

"Спартак" Паоло Ваноли кетганидан кейин унинг ўрнини эгаллайдиган янги бош мураббийни эълон қилди.

Клуб расмий сайтининг хабар беришича, якунланган мавсум Швейцария чемпионатида "Базель" билан бирга 2-ўринни эгаллаган Гилермо Абаскаль бундан буён Москва грандини бошқаради. Таъкидлаш керакки, мутахассислар Гилермони Европадаги энг истиқболли ёш мураббийлардан бири деб ҳисоблашмоқда.

Маълумот учун, Гилермо Абаскаль "Барселона" ва "Севилья" академиялари тарбияланувчиси ҳисобланади, аммо у асосий жамоаларда деярли ўйнамаган. Шу сабабли у зудлик билан бор эътиборини мураббийликка қаратган.

У мураббийлик фаолиятини "Севилья" ёшлар жамоасида бошлаган, кейин Швейцариянинг “Кяссо” ва “Лугано” клубларини бошқарган, бундан ташқари Италиянинг "Асколи" ва Грециянинг "Волос" клубларида бош мураббий бўлган.