Расман! Ўзбекистон чемпиони “Шўртан”га келиб қўшилди

“Шўртан” Шоҳжаҳон Султонмуродов билан келишувга эришди, деб хабар бермоқда клубнинг матбуот хизмати. 
 
Хабарингиз бор, Суперлига клуби янги мавсум учун пухта тайёргарлик кўрмоқда. Клуб сўнгги кунларда таркибини сезиларли даражада кучайтирмоқда. Бир неча дақиқа олдин эса собиқ посбони ҳисобланган Шерзодбек Абдураимовни ҳам клубга қайтариб, бир йиллик келишувга эришганини эълон қилган эди. 
 
Ўтган мавсумни Термизнинг “Сурхон” жамоасида бошлаб, иккинчи даврада “Насаф” таркибида ҳаракат қилиб, мамлакат чемпионлигини қўлга киритган Шоҳжаҳон янги мавсумни “оқ бўрилар” таркибида бошлайди. Ушбу тажрибали ҳимоячи билан ҳам 1 йиллик келишувга эришилди.