Расман! "Рома" футболчиси "Аякс"га кўчиб ўтди

Ярим ҳимоячи Бенжамин Тахирович "Рома"дан "Аякс"га ўтди. Бу ҳақда Амсткрдам клуби ўзининг расмий сайтида маълум қилди.

Ҳозирча ушбу трансфер тафсилотлари ошкор этилмаган. Бироқ, ОАВ хабарига кўра, трансфер суммаси 8,5 миллион еврони ташкил қилган.

Ўтган мавсумда 20 ёшли босниялик футболчи Италия чемпионатининг 11та ўйинида майдонга тушган.

Якунланган 2022/23 йилги мавсумда “Аякс” Нидерландия чемпионатини 3-ўринда якунлади. "Рома" эса А Серияда 6-ўринни эгаллади, шунингдек Европа Лигаси финалига чиқди ва афсуски ҳал қилувчи ўйинда "Севилья"га мағлуб бўлди.