Rasman! "Turon" klubi yangi bosh murabbiyni e’lon qildi. Uning oldiga aniq maqsad ham qo‘yildi

Kuni kecha "Turon" klubi qarorgohida navbatdan tashqari yig‘ilish bo‘lib o‘tdi. Bu haqda klub matbuot xizmati xabar berdi.

Manbaning ma’um qilishicha, klub rahbariyati ishtirokida tashkil etilgan yig‘ilishda yaqin o‘tmishning yorqin futbolchisi, taniqli mutaxassis Igor Shkvirin jamoa bosh murabbiyi sifatida tanishtirildi va yaypanliklarni vaqtincha boshqarib kelayotgan polshalik mutaxassis Boguslav Baniakning o‘rnini egalladi. Bir kun avval biz saytimiz orqali "Turon"ni yangi murabbiy qabul qilib olganini ma’lum qilgandik.

58 yoshli murabbiy bugunga qadar AGMK, "Qizilqum" va "Surxon" jamoalarida bosh murabbiy lavozimida faoliyat olib borgan.

Igor Shkviringa Superligada jamoaning o‘rnini saqlab qolish va musobaqa jadvalida yuqori o‘rinlarga olib chiqish vazifasi qo‘yildi.