"Реал" Анчелотти билан ғайриоддий хайрлашув маросимини тайёрламоқда

Карло Анчелотти жорий мавсум якунлангач "Реал Мадрид" бош мураббийлиги лавозимини тарк этади ва Бразилия терма жамоасини бошқаради.

Хабарингиз бор, Карло "қироллик клуби"ни турли даврларда бошқариб, жамоа тарихидаги энг муваффақиятли мураббийлардан бири сифатида ном қозонди.

AS нашрининг хабарига кўра, мадридликлар италиялик мутахассис билан муносиб хайрлашишни режалаштирмоқда. 24 май куни Ла Лиганинг 38-туридан ўрин олган "Реал Сосьедад"га қарши ўйиндан сўнг Анчелотти учун махсус маросим ташкил қилинади.

Тадбирда Анчелотти раҳбарлигида жамоа қўлга киритган 15 та соврин намойиш этилиши кўзда тутилган.

"Grada Fans" мухлислар уюшмаси ҳам мураббий учун "ҳис-туйғуларга бой ва самимий" хайрлашувга тайёргарлик кўрмоқда.