“Real” kutayotgan yulduz MYuga ketadigan bo‘lyapti
“Real” kelasi yozda transfer qilishi kerak bo‘lgan “Renn” futbolchisi Eduardo Kamavinga Madridga kelmaydigan bo‘ldi.
Avvaliga, “Renn” bilan amaldagi shartnomasini uzaytirishni istagan frantsiyalik 18 yoshli futbolchi endi Angliyada to‘p surishga qaror qildi.
“Manchester Yunayted” Frantsiya terma jamoasida Pol Pogbaning o‘rinbosari hisoblangan Kamavingani o‘z tarkibiga qo‘shib olishga tayyor. Hatto manchesterliklar “Renn” belgilagan summa – 70 million evroni berishga ham rozi bo‘lmoqda.
“Manchester Yunayted”ning bunday qarorga kelishiga Pol Pogba bilan yangi shartnoma imzolanmagani sabab bo‘ldi. Frantsiyalik yulduz yozda jamoani tark etishni rejalashtiryapti.
Xuddi Kamavinga singari Pogbaga ham “Real” va “Yuventus”dan jiddiy qiziqish bor.
Fikrlar