“Реал” Мбаппени катта пул билан ўзига оғдирмоқчи

ПСЖдан кетиши кутилаётган Килиан Мбаппе учун курашга “Ливерпуль” қўшилганидан кейин “Реал” мутасаддилари ҳамон франциялик ҳужумчини кутаётганини яна бир бор эслатиб қўйди.

The Athletic нашрининг ёзишича, агар Мбаппе “Қироллик клуби”га келаси йили ёзда эркин агент сифатида келадиган бўлса, мадридликлар уни бонус билан тақдирлайди. Бу сумма 130 миллион еврони ташкил қилиши айтилмоқда.

Мбаппе ПСЖ раҳбариятига жамоада 2025 йилнинг ёзигача қолмаслигини билдирган. Парижликлар 24 ёшли форвардни шу ёз сотиб юбормоқчи.

“Реал” Мбаппе учун 200 миллион евро атрофида харажат қилишни истамади ва уни эркин агент сифатида келишини кутяпти.

Энди курашга “Ливерпуль” қўшилди. Англия клуби Мбаппе учун 300 миллион евро атрофида маблағ сарфлаши вазиятни ўзгартириб юбориши мумкин.