"Реал" Мбаппени қачон сотиб олиши маълум

"Реал" ва ПСЖ ўртасида Килиан Мбаппе трансфери бўйича музокаралар давом этмоқда. "Marca" нашри хабарига кўра, "қироллик клуби" келишувни муҳокама қилишда сезиларли муваффақиятга эриша олган.

Манба берган хабарга кўра, испан гранди икки ҳафта ичида келишувни якунлай олишига ишонч билдирмоқда. 

Мбаппе 2017 йилнинг ёзидан бери Париж грандида ўйнаб келмоқда. Унинг клуб билан меҳнат шартномаси 2023/2024 йилги мавсум охиригача амал қилади.

24 ёшли форвард ўтган мавсум Франция чемпионатида 34 та ўйинда майдонга тушиб, 29 та гол ва 5 та голли узатмага муаллифлик қилди.