“Реал” Мбаппени шу ёз олишга тайёр, фақат...

ПСЖ ҳужумчиси Килиан Мбаппенинг келасиги мавҳумлигича қолмоқда. Парижликлар агар 24 ёшли ҳужумчи тез орада янги битим тузмаса уни сотиб юборади.

“Реал” Мбаппега асосий даъвогар. Лекин “Қироллик клуби” катта харажат қилмоқчи эмас. Аслида мадридликлар Мбаппенинг келаси ёз, эркин агент мақомига айланганидан кейин келишини кутмоқда.

Таниқли журналист Бен Жейкобснинг ёзишича, Мадрид гранди шу ёз ҳам трансферни амалга ошириши мумкин.

Бунинг учун ПСЖ Мбаппега қўйиладиган бадал пули суммасини ошириб юбормаслиги ва имкон қадар мадридликларга мақбул даражада белгилаши керак.

Айни пайтда эса, парижликлар ўз тўпурари учун харидор жамоалардан 200 миллион евро талаб қилишини билдирган.