“Реал” нега Холандни эмас, Мбаппени олмоқчи?

“Реал” директорлар кенгаши аъзоси Хосе Мануэль Отеро нега “Қироллик клуби” кўп гол ураётган Эрлинг Холандни эмас, ПСЖ вакили Килиап Мбаппени трансфер қилмоқчи эканини тушунтириб берди.

- Килиан “Реал”га ҳар томонлама мос келади. Холанд бутун жамоа унга ўйнашини талаб қилади. Бу орқали у кўп гол уради.

“Реал” рақиб ҳимоясини ёриб ўтиш учун жамоага мос келадиган ўйинчилар хизматига таяниб ўйнайди, - деди Хосе Мануэль Отеро.

“Реал” Килиан Мбаппени келаси ёз олмоқчи. Мавсум охирида ҳужумчининг парижликлар билан шартномаси якунланади. 24 ёшли форвард ПСЖнинг янги шартнома бўйича таклифини қабул қилгани йўқ.