“Реал” президенти номи расман эълон қилинди!

“Реал” клуби президентлигига сайлов якунланди. Флорентино Перес яна тўрт йил муддатга клуб раҳбари этиб сайланди.

Бу ҳақда “Қироллик клуби” расмий сайти хабар берди.

Энди Флорентино Перес ўзи йигирма беш йилдан бери бошқариб келаётган клубда яна тўрт йил давомида президент вазифасини бажаради. Қизиғи шундаки, Перес президентлик сайловида ягона номзод эди.

Қурилиш бизнесида катта тадбирган ва спорт функционери ҳисобланган Флорентино Перес 2000 йилдан бери “Реал”ни бошқариб келмоқда.

Унинг қўл остида “Реал” етти маротабадан Испания ва Европа Чемпионлар лигаси ғолиби бўлган.  Олти бор УЕФА Суперкубоги, беш  марта клублар ўртасидаги жаҳон чемпионати, икки маротаба қитъалараро кубок чемпиони ҳисобланади. Шунингдек, бир неча бор ички мусобақаларда муваффақият қозониб, жами 37 та совринни қўлга киритган.