“Реал”да инқироз: Олти юлдуз Алонсога қарши, беш нафари мураббий томонда
“Реал”да ички муҳит соғлом эмас ва бу жамоа натижаларига таъсир кўрсатадиган хавотирли вазиятни келтириб чиқармоқда.
El Partidazo de COPE дастурида Мадрид жамоасининг бош мураббийи Хаби Алонсодан норози бўлаётган олти нафар футболчиси номини ошкор этилди.
Норозилар рўйхатига Федерико Вальверде, Винисиус Жуниор, Родриго, Браим Диас, Эндрик ва Ферлан Менди киритилган.
Қайд этилишича, бу рўйхатга Эдуардо Камавинга ҳам қўшилиши мумкин, аммо франциялик футболчи бўйича шубҳалар бор, шунинг учун бу аниқ эмас.
Шу билан бирга, “Реал”нинг беш нафар топ-футболчиси бош мураббийни қўллаб-қувватлаяпти Булар асосан янги ўйинчилар ва испаниялик мураббий қўл остида ишлари юришаётган ўйинчилардир. Бу рўйхатда Дин Хёйсен, Альваро Каррерас, Тибо Куртуа, Арда Гюлер ва Килиан Мбаппенинг номи кўрсатилган.
Фикрлар