“Рома” етакчиси Моуриньо ва клуб билан хайрлашди

“Интер” билан шартнома имзолаган арманистонлик ярим ҳимоячи Генрих Мхитарян “Рома” билан хайрлашди. Футболчи сўнгги икки йил давомида римликлар шарафини ҳимоя қилган.

"Рома" ўзига хос клуб, аммо хайрлашиш вақти келди. Жамоанинг барча ходимларига раҳмат айтмоқчиман. Шунингдек, менга ишонч билдирган ва қўшимча мотивация берган Жозе Моуриньога ҳам катта раҳмат. “Рома”га қўлимдан келганча ёрдам бердим. Бу жамоада ўйнаш мен учун шараф эди. Ҳаммаси ажойиб бошланган, якун ҳам кўнгилдаги каби бўлди. Олға, “бўрилар”, - дейди арманистонлик футболчи.

Мхитарян ўтган мавсум “Рома”нинг А серия доирасидаги 31 та ўйинида майдонга тушиб, 5 гол ва 6 ассист муаллифига айланган. Шунингдек, у римликлар билан биргаликда Конференциялар лигасида ҳам ғалаба қозонган.