"Рома" яна бир "Лидс" ҳимоячисини ўз таркибига қўшиб олмоқчи

"Рома" "Лидс" ҳимоячиси Расмус Кристенсенни ижарага олишга ҳаракат қилмоқда, дея хабар тарқатди инсайдер Ди Марцио. Унга кўра, футболчи ва римликлар шахсий келишувга эришган. Клублар келишиб олса, бу трансфер амалга ошади. 

"Лидс" Чемпионшипга тушиб кетганидан кейин айрим ўйинчилари жамоани тарк этиш пайига тушиб қолган. Клубнинг ўзи эса уларни бир мавсум ижарада ўйнатиб, яна ўз таркибига қайтаришни мақсад қилган.

Эслатиб ўтамиз, Кристенсеннинг "Лидс" билан амалдаги шартномаси 2027 йилда ўз ниҳоясига етади.