"Рома"нинг бу футболчисига "Арсенал", МЮ ва "Ювентус" жиддий қизиқиб қолди!

"Рома" ярим ҳимоячиси Николо Дзаньолога "Арсенал" ва "Манчестер Юнайтед" қизиқиш билдирмоқда. Бу ҳақда Fichajes нашри хабар тарқатмоқда.

Римликлар эса 22 ёшли футболчи билан янги шартнома имзолашга умид қилмоқда, аммо бошқа клубларнинг жиддий қизиқиши бу режани мураккаблаштириши мумкин. Туриннинг "Ювентус" клуби ҳам Дзаньолони сотиб олишни мақсад қилган.

Дзаньоло жорий мавсум “Рома” сафида жами 35 та ўйинда майдонга тушиб, 7 та гол урди ва 8 та голли узатмага муаллифлик қилди. Пойтахт клуби етакчи футболчисининг трансферини 60 миллион еврога баҳоламоқда.