Роналду Ўзбекистонга қарши ўйинидан сўнг: "Ҳар бир булутда ёруғликнинг чақноғи бор"

Португалия терма жамоаси ҳужумчиси Криштиану Роналду "Жаҳон чемпионати–2026" доирасида Ўзбекистонга қарши ўйиндан сўнг (5:0) ўз фикрларини билдирди.

"Жуда бахтиёрман. Лекин мен учун энг муҳими — бу жамоанинг майдонда қилган меҳнати ва кўрсатган ишончи. Бугун жамоа ҳақиқатан ҳам яхши ўйин намойиш этди, ўйинимиз сезиларли даражада яхшиланди. Айтишади-ку, ҳар бир қоронғу булут орасида ҳам ёруғлик бор, деб. Албатта, шахсан мен учун рекордлар ёқимли, лекин асосий мақсадим — терма жамоамизга ўз олдига қўйган мақсадларига етишишда ёрдам бериш", — дея Роналдунинг сўзларини ФИФА расмий сайти келтиради.

Роналду учрашувнинг 6- ва 39-дақиқаларида гол урди. Шу тариқа у Жаҳон чемпионатлари тарихида Португалия терма жамоасининг энг кўп гол урган футболчисига айланди. Ҳозирча унинг ҳисобида 10 та гол бор.

Иккинчи турдан сўнг Португалия терма жамоаси тўрт очко жамғариб, "К" гуруҳи турнир жадвалида пешқадамлик қилмоқда.

Ўзбекистон миллий жамоаси эса ҳозирча очко ололмаган ва жадвалда тўртинчи поғонада жойлашган. Учинчи турда Португалия 28 июнь куни Колумбияга қарши майдонга тушади. Ўзбекистон терма жамоаси эса шу куни Конго ДР билан куч синашади.