Роналду, Фернандеш, Канселу ва Феликс Португалия терма жамоасининг ЖЧ-2022 учун кенгайтирилган таркибидан ўрин олди

Португалия терма жамоаси Қатарда бўлиб ўтадиган жаҳон чемпионати учун кенгайтирилган таркибини эълон қилди.

"O Jogo" нашри хабарига кўра, 55 та футболчидаг иборат рўйхат жума куни ФИФАга юборилган. Бош мураббий Фернанду Сантуш 55 кишидан 26 нафарини танлаб, якуний рўйхатни шакллантиради.

Криштиану Роналду, Диого Далот ва Бруну Фернандеш (барчаси “Манчестер Юнайтед”), Жоау Феликс (“Атлетико”), Рубен Диас, Жоау Канселу ва Бернарду Силва (барчаси “Манчестер Сити”), Руи Патрисиу (“Рома”), Пепе (“Порту”), Нуну Мендес (ПСЖ), Рафаэль Геррейру (Боруссия Дортмунд), Рафаел Леау (Милан) каби футболчилар номи келтирилган.

Маълумот ўрнида, Португалия жаҳон чемпионати гуруҳ босқичида Гана, Жанубий Корея ва Уругвай билан ўйнайди.

Фикрлар

Фикр қолдириш учун авторизациядан ўтинг!