Роналду: Бир қадам қолди!

“Манчестер Юнайтед” ҳужумчиси Криштиану Роналду Европа лигаси гуруҳ босқичи иккинчи турида сафар баҳсида Молдованинг “Шериф” жамоаси дарвозасини ишғол қилди.

Бу португалиялик футболчининг янги мавсумдаги биринчи голи бўлди. Жаҳон футболи тарихида энг кўп тўп киритган ҳужумчига янги мавсумдаги голлари ҳисобини очиш учун саккизта учрашув керак бўлди.

Шунда ҳам Роналду илк голини пенальтидан киритди.

Роналдунинг клублар миқёсидаги турнирларда урган голлари сони 699 тага етди ва етти юзлик довондан ўтиши учун яна битта аниқ зарба керак бўлади.

Криштиану шунча голни “Спортинг”, “Реал”, “Ювентус” ва “Манчестер Юнайтед” сафида урган.

Бундан ташқари, Роналунинг ҳисобида Португалия терма жамоасида 189 та баҳсда киритилган 117 та тўп бор ва бу жаҳон рекорди ҳисобланади.

Фикрлар

Фикр қолдириш учун авторизациядан ўтинг!