Роналду жамоадошига қўл кўтарган!

“Ювентус”нинг собиқ футболчиси Массимо Мауро “Манчестер Юнайтед” ҳужумчиси Криштиану Роналдуни аргентиналик футбол юлдузи Диего Мародана билан таққослаб бўлмаслигини маълум қилди.

- Роналдуни Марадона билан таққослаб бўлмайди. Диегонинг жамоадошлари уни энг зўр ўйинчи бўлгани учун эмас, ўта саховатли экани туфайли яхши кўришарди. Бундан ташқари, Марадона ҳеч қачон жамоадаги шерикларига қўполлик қилмаган.

Роналду жамоадошига қўл кўтарган ҳолат бўлган. Буни Кьзеадан сўрасангиз, нима бўлганини айтиб беради, - деди Массимо Мауро.

Криштиану Роналду 2018-2021 йиллар давомида “Ювентус” шарафини ҳимоя қилиб, туринликлар сафида юздан ортиқ гол урган.