Роналду Мессидан зўр! Журналист нега бундай деди?

Криштиану Роналду билан дўстона муносабатда бўлган журналист Пирс Морган нима учун португалиялик футболчи Лионель Мессидан яхшироқ эканини тушунтиришга ҳаракат қилди.

“Биргина жаҳон чемпионати дунёдаги энг буюк футболчи кимлигини аниқлаб бермайди. Роналду ва Мессини солиштирганда, Криштиану икки ёшга катта эканлигини унутмаслик керак. Шуни ҳам унутмаслик керакки, Лионель 17 йилни "Барселона"да қулай шароитда ўтказди. Роналду турли мамлакатларда чемпион бўлди. У ўзи ўрганган қулай муҳитдан чиқиб, бошқа лигаларда ўз олдига янги мақсадлар қўйди.

"Барселона"да доим Мессининг атрофида дунёнинг энг зўр футболчилари бўлишган. Роналду эса кўпинча жамоаларни бир ўзи ёлғиз судраб юришига тўғри келарди.

Месси фаолиятининг кўп қисмини "Барселона"да ўтказди ва кейин жуда осон лигага ўтди. Ҳақиқатан ҳам уни Европанинг кучли учта лигасида чемпион бўлган футболчидан яхшироқ деб ўйлайсизми? Ишончим комил эмас”, - деди Морган talkSPORT нашрига берган интервьюсида.