Роналду МЮнинг ёш футболчилари ҳақида гапирди
"Манчестер Юнайтед"нинг португалиялик ҳужумчиси Криштиану Роналду “қизил иблислар”нинг ёш футболчилари ҳақида гапирди.
Роналду клуб матбуот хизматига берган интервьюсида академия тарбияланувчиларига кўпроқ имконият бериш ва уларга ортиқча босим ўтказмаслик кераклигини айтди.
"Агар ёш йигитлар мендан маслаҳат сўрашса, мен уларга албатта ёрдам бераман", — деди Криштиану.
Эслатиб ўтамиз, ўтган мавсумда Криштиану Роналду Англия чемпионатида 30 та ўйинда майдонга тушиб, 18 та гол ва 3 та голли узатмага муаллифлик қилган. Якунига етган мавсумда “Манчестер Юнайтед” 58 очко билан 6-ўринни эгаллади.
Фикрлар