Роналду қишда қайси жамоага ўтиши маълум бўлди

Криштиану Роналдунинг келажаги ҳамон номаълумлигича қолмоқда. "Тоттенхэм"га қарши ўйинда захира ўриндиғида ўтиришдан бош тортгани ва "Челси"га қарши ўйинда дисквалификаcия қилингани Роналдунинг "Манчестер Юнайтед"ни тез орада тарк этиши мумкинлигини кўрсатмоқда.

"Sunday World" нашри хабарига кўра, "Челси" катта эҳтимол билан январ ойида Криштиану Роналдуни сотиб олишга ҳаракат қилади. Лондонликлар юлдузли ҳужумчига ёзда қизиқиш билдиришган, кейин эса келишув амалга ошмай қолганди. "Аристократлар"нинг олдинги устози Томас Тухель Роналдунинг трансферига қарши чиққани ҳақида миш-мишлар тарқалди. Сентябрь ойи бошида немис ишдан бўшатилди ва ҳозир Грэм Поттер жамоада ишламоқда.

37 ёшли Криштиану Роналду "transfermarkt" портали томонидан 20 миллион еврога баҳоланмоқда.