Роналдудан яна бир ажойиб натижа

Туриннинг "Ювентус" клуби ҳужумчиси Криштиану Роналду Италия А Серияси 22-тури доирасида "Фиорентина"га қарши баҳсда рақиб дарвозасини ишғол қилишга эришди.

34 ёшли футболчи Жерман Пеццелнинг қўлига тўп тегиши натижасида белгиланган пенальтини аниқ амалга ошириб, ҳисобни очишга эришди.

Шу тариқа, Роналду А Серия доирасида қаторасига тўққизинчи ўйинда гол киритишга эришди ва ўз голлари сонини 19 тага етказиб олди.