Роналдуни эмас, Мессини танлайман!

“Барселона”даги фаолияти билан футбол тарихида чуқур из қолдирган Жерар Пике ўзи билан ўйнаган Лионель Месси ва уларнинг рақобатчиси бўлган Криштиану Роналдуни ўзаро таққослади.

- Бу икки буюк футболчи ўртасидаги кураш сўнгги ўн йилликнинг ажойиб воқеаларидан бўлган. Уларнинг иккиси ҳам ҳақиқатан зўр. Ўйлашимча, талант нуқтани назаридан Лионель Месси энг зўри. Криштиану ҳам рақобатлашиш мақсадида жуда кўп меҳнат қилгани бор гап.

Агар уларнинг фаолиятига эътибор қаратсак, мен Мессини танлайман. Лео 35 ёшида ҳам дунёнинг энг зўр ўйинчиси бўлиш мумкинлигини кўрсатиб қўйди. Месси буни жаҳон чемпионатида намойиш этгани муҳим аҳамият касб этади, - деди Пике.

Лионель Месси Қатардаги жаҳон чемпионатида бош совринни қўлга киритди ва мусобақанинг энг яхши футболчиси бўлди.