Роналдунинг "Челси"га ўтиши фақат бир инсонга боғлиқ

"Челси" бош мураббий Томас Тухелнинг розилигисиз Криштиану Роналду билан шартнома имзоламайди.

Марина Грановская ва Петр Чех “аристократлар” бошқарувидан кетгач, “аристократлар”нинг спорт директори лавозимига тайинлангган Тодд Боели Томас Тухелдан “Манчестер Юнайтед” ҳужумчисини жамоага олиб келинишини хоҳлаши ёки хоҳламаслигини сўрамоқда, деб хабар беради The Telegraph.

Маълумки, Тухель Роналдунинг мухлиси ҳисобланади. Бироқ германиялик мураббий клуб раҳбарияти билан португалиялик юлдузнинг эҳтимолий трансфер масаласини ҳалигача муҳокама қилмаган.

Таъкидлаш керакки, Тухель ҳар қандай трансферга вето қўйиш ҳуқуқига эга. Шунинг учун Боели мураббий клубда кўришни истамаган ўйинчилар билан шартнома имзолай олмайди.

"Челси" "Юнайтед" ҳужумчини сотишга рози бўладими ёки йўқлигини билмайди. Шунингдек, "Манчестер Юнайтед" Роналду учун қанча пул сўраши ва португалияликнинг молиявий талаблари қандай бўлиши номаълум. "Челси" бу маълумотларнинг барчасини Тухель трансферни маъқуллаган тақдирдагина билиб олишни бошлайди.

Аввалроқ, 37 ёшли ҳужумчи Лондон клубига ўтишга қизиқаётгани маълум бўлганди. Шунингдек, у Чемпионлар лигасида иштирок этадиган гранд жамоа сафига ўтиш учун маошини кескин равишда камайтиришга тайёрлиги ҳам маълум қилганди.

Криштиану Роналду ўтган мавсум “Манчестер Юнайтед” сафида барча мусобақаларда 39 та ўйинда майдонга тушиб, 24 та гол урди ва 3 та голли узатмани амалга оширди.