Роналдунинг "Реал"га қайтиши борасидаги хабарларга Анчелотти аниқлик киритди
"Реал" бош мураббийи Карло Анчелотти португалиялик ҳужумчи Криштиану Роналду "қироллик клуби"га қайтиши тўғрисидаги миш-мишларга ойдинлик киритди.
"Криштиану – "Реал" афсонаси, лекин мен ҳеч қачон раҳбариятдан у билан шартнома имзолашни сўрамаганман. Мен Роналдуни ҳурмат қиламан, бироқ биз келажак ҳақида ўйлаяпмиз", - дейди мураббий.
Аввалроқ, ОАВда мураббий мадридликлар президенти Флорентино Пересдан ҳужумчини қайтаришни илтимос қилганлиги ҳақида хабарлар тарқалганди.
Криштиану хизматига ПСЖ ва "Манчестер Сити" клублари ҳам қизиқиш билдирмоқда. Футболчининг ўзи ҳам жамоасини ўзгартиришга қарши эмас.
Фикрлар