Rossiya kubogi guruh bosqichidan boshlanishi mumkin

Rossiya futbol ittifoqi mamlakat kubogi bellashuvlari formatini o‘zgartirmoqchi.

Unga ko‘ra evrokuboklarda ishtirok etadigan 6 ta klub musobaqani to‘g‘ridan-to‘g‘ri 1/8 finaldan boshlaydi. RPLning qolgan 10 ta ishtirokchisi esa har birida 3 tadan klub bo‘lgan 10 ta guruhga bo‘linadi. Ushbu guruhda shuningdek FNLdan 10 ta va PFL dan 10 tadan jamoa bo‘ladi.

Guruh bosqichida jamoalar bir davra o‘zaro bellashadilar va guruh g‘oliblari 1/8 final bosqichga chiqishadi.