Сардор Абдураимов: Бугун муҳлисларимизни куни бўлди.

Бугун Олий Лиганинг 29-тури Муборак, Фарғона ҳамда пойтахт яшил майдонларида давом эттирилди. Ўз уйида “Бухоро”ни қабул қилган муборакликлар якунда 2-0 ҳисобида ғалаба қозонди.

Ўйин давомида рақиб дарвозасига иккита тўп киритган, учрашув қаҳрамони Сардор Абдураимов бўлиб ўтган ўйин ҳақида фикр билдирди.

- Бу йилги мавсумни жуда яхши ўтказаётган "Бухоро” жамоасини биз ҳар икки баҳсда ҳам мағлуб этдик. Бугун муҳлисларимизни куни бўлди. Барча мубораклик муҳлисларни чин қалбимдан табриклайман, бундай шиддатли баҳсларда қўлга киритилган натижанинг қиймати ўзгачадир. Сўнги баҳсни сафарда воҳамизнинг бош жамоаси "Насаф“га қарши ўтказамиз ушбу баҳсда ҳам жамоамизга омад тилайман, деди - Сардор Абдураимов.