Саудияликлар ҳужумда Мбаппе ва Холандни ўйнатмоқчи

Goal порталининг хабар беришича, “Челси” клубига жиддий харидор чиқди. Саудия Арабистонининг қудратли консорциумларидан бири клубни қўлга киритмоқчи.

Saudi Media компанияси раҳбарлик қилаётган консорциус жамоани янада ривожлантириш ва катта трансферларни амалга ошириш учун маблағни аямаслигини маълум қилган. Улар “Чеелси”ни нафақат Англияда, балки халқаро майдонда ҳам мунтазам равишда совринларни қўлга киритадиган суперклубга айлантиришга тайёр.

Хориж матбуоти клуб хўжайини Роман Абрамович музокараларга розилик бериши ҳақида ёзмоқда.

Айрим кузатувчилар агар “Челси” саудияликларнинг қўлига ўтадиган бўлса, улар жамоага бугунги куннинг энг зўр ҳужумчилари – Килиан Мбаппе ва Эрлинг Холандни олиб келиши ҳақида фикр билдира бошлади.