Shahram G‘iyosov O‘zbekistonga qaytdi! (FOTO)

Professional boksning yarim o‘rta vazn toifasiga (66,6 kg) o‘tgan bokschimiz Shahram G‘iyosov Las Vegas shahrida bo‘lib o‘tgan boks oqshomida meksikalik Kristian Gomesga qarshi IBF Shimoliy Amerika mintaqaviy chempionlik kamari uchun ringga ko‘tarildi va 10 raund davom etgan jangda ochkolar hisobiga ko‘ra (99-88, 99-88, 98-89) g‘alaba qozongan edi.

Hamyurtimiz kecha yurtimizga qaytib keldi. Uni Toshkent xalqaro aeroportida yaqinlari, muxlislar, OAV xodimlari va keng jamoatchilik vakillari katta tantana bilan kutib olishdi.