Шахмат. Гулруҳбегим Малайзиядаги нуфузли мусобақада ғолиб бўлди

Малайзияда аёллар ўртасида Осиёнинг энг кучли 10 нафар шахматчилари ўртасида халқаро мусобақа ташкил қилинди, дея хабар бермоқда Ўзбекистон МОҚ матбуот хизмати. 

Турнирда Ҳиндистон, Малайзия, Мьянма, Филиппин, Вьетнам ҳамда Ўзбекистондан ташриф буюрган ақл-идрок соҳибалари иштирок этдилар.

Мусобақада 9 та тур якунига кўра 4 та ғалаба, 5 та дуранг қайд этган ҳамюртимиз Гулруҳбегим Тоҳиржонова 6,5 очко жамғариб, биринчи ўринни қўлга киритди.