Шомуродов гол уришда Роналдуни орта қолдирди
Optalvan твиттер-аккаунти “женоа” ҳужумчиси Элдор Шомуродов А Сериянинг охирги олти турида ажойиб натижа қайд этгани ҳақида хабар берди.
Ўзбекистонлик легионер генуяликларнинг А Сериядаги сўнгги учрашувида “Кальяри” дарвозасини ишғол қилиб, жамоасининг ғалабасини таъминлаган эди. Бу Элдор Шомуродов учун охирги олтита учрашувда бешинчи гол бўлди.
Бу борада “Фиорентина” ҳужумчиси Душан Влахович ҳисобида ҳам бешта гол бор бироқ. Сербиялик ҳужумчи сўнгги учта баҳсда майдонни голсиз тарк этди.
Италия чемпионати тўпурари Криштиану Роналду эса сўнгги бешта ўйинда тўртта гол урган. Бироқ, Криштиану бугун “Болонья”га қарши баҳсда гол урса, Шомуродов натижасини такрорлаши мумкин бўлади.
Фикрлар