Шомуродов расмий учрашувга тайёрланяпти

“Женоа” клуби матбуот хизмати жамоада тайёргарлиги бўйича янги маълумотларни тарқатди.

Унга кўра, “Женоа”нинг бир гуруҳ футболчилари Миллатлар лигаси мусобақасида иштирок этиш учун ўз мамлакатлари терма жамоалари сафида қолмоқда. Адзурри Пеллегрини ўйнаётган Италия терма жамоаси УЕФАнинг ушбу мусобақасида навбатдаги учрашувни Польшага қарши ўтказади.

Шунингдек, Горан Пандев Шимолий Македония,  Миха Зайц Словения, Милан Бадель Хорватия терма жамоасига бориб қўшилган.

Филиппо Мелегони, Жанлука Скамакка ва Николо Ровелла эса, Италия ёшлар терма жамоаси сафида 21 ёшгача бўлган футболчилар ўртасидаги Европа чемпионати саралаш турнири доирасида Люксембург билан бўладиган ўйинга чақиртирилди.

“Женоа” мураббийлар штаби машғулотлар жараёнида қолган футболчилар, хусусан, коронавирусдан тузалган ва жароҳатдан қутилган ўйинчиларнинг жисмоний ҳолатини яхшилаш борасида иш олиб бормоқда.

- Элдор Шомуродов дастлабки учрашувларда натижа кўрсата олмади. У яна сафга қайтди. Бўлажак баҳсларда ўзини кўрсатади, - деб ёзади “Женоа” клуби расмий сайти.  

Шомуродов октябрь ойининг охирида сонидан олган жароҳати туфайли жамоасининг бир неча ўйинчилари ўтказиб юборди. Бундан ташқари, ҳужумчимиз Ўзбекистон миллий терма жамоасининг Бирлашган Араб Амирликларида ўтказилаётган йиғинига ҳам жалб қилинмади.

"Женоа" А Сериянинг навбатдаги учрашувини 22 ноябрь куни сафарда "Удинезе"га қарши ўтказади. Ўйин Тошкент вақти билан 22:00да бошланади. 

Ўзбекистоннинг энг зўр тўпурарлари: Шацкихдан Шомуродовгача!

 

Фикрлар

Фикр қолдириш учун авторизациядан ўтинг!
Санжар Сайфиев
14/11/2020 22:33
Шомуродов октябрь ойининг охирида сонидан олган жароҳати туфайли жамоасининг бир неча ўйинчилари ўтказиб юборди. жамоасининг бир неча ўйинчилари ўтказиб юборди. жамоасининг бир неча ўйинчилари ўтказиб юборди. жамоасининг бир неча ўйинчилари ўтказиб юборди.???