Шота Арвеладзега Туркиядан ташқари бошқа давлатлардан ҳам таклифлар бор

Шу йилнинг охирида Шота Арвеладзенинг "Пахтакор" билан тузган шартномаси якунланади. Унинг хизматларига эҳтиёж сезаётган жамоалар талайгина.

SPORTS.uz сайтига маълум бўлишича, грузиялик мутахассисга Хитой ва Қатар клубларидан таклифлар бор. Шунингдек, "Пахтакор" устозига Туркиянинг "Трабзонспор" клуби томонидан жиддий қизиқиш мавжудлиги ҳақида аввалроқ хабар бергандик. Туркияликлар Арвеладзени ўз жамоасига олиб келиш бўйича хориж вариантлари орасида фаворитдек кўринмоқда. Чунки Туркиянинг "Hurriyet" нашрида ёзилишича, "Трабзонспор" Шота Арвеладзе Тошкентда йилига 1.5 миллион евро маош оладиган мураббийга расмий таклиф билдирган. Арвеладзе эса, бунга жавобан "шерлар" билан шартномаси тугаганидан сўнг гаплашишини айтган.

Қолаверса, "Пахтакор" клуби раҳбарияти ҳам мураббий билан битимни узайтириш бўйича музокара ўтказмоқда. Шота Арвеладзенинг "Пахтакор" билан тузган дастлабки шартномаси ўтган йили якунланганди ва томонлар 2020 йилнинг сўнггига қадар битимни узайтиришганди.

"Пахтакор" бу мавсум шартномаси тугайдиган Шота Арвеладзе борасида бир қарорга келган кўринади

Грузиялик мутахассис 2017 йилнинг ёзидан бери "Пахтакор"ни бошқариб келмоқда. Унинг қўли остида пойтахтликлар ўтган йили илк бор юртимизда треблга эга чиққан клубга айланди. Бу мавсум ҳозирча Суперлигада чемпионликка эришди.