Симеоне: "Сўнгги 11 йил ичида "Реал" ва "Барса"га яхшигина рақобат туғдирдик"

"Атлетико Мадрид" бош мураббийи Диего Симеоне жамоасининг сўнгги йиллардаги ўйинига баҳо берди. Аргентиналик мутахассиснинг фикрича, "матрасчилар" "Реал" ва "Барселона"га муносиб қаршилик қилди.

"Сўнгги 11 йил ичида биз "Реал" ва "Барселона"га яхши рақобатлашдик. Олдинга силжишда давом этишимиз ва янги йўлларни излашимиз керак", - дея хулоса қилди Симеоне "Реал" билан дерби олдидан матбуот анжуманида.

Эслатиб ўтамиз, Симеоне бошчилигида "Атлетико" икки марта Испания чемпиони бўлган ва икки марта Чемпионлар лигаси финалига чиққан. Шу билан бирга, жамоа икки марта Европа лигасида ҳам ғалаба қозонган.