Simeonening o‘g‘li "Atletiko"ga o‘tdi

"Atletiko" Madrid klubi bosh murabbiyi Diego Simeonening kichik o‘g‘li Juliano “matraschilar” akademiyasiga ko‘chib o‘tdi. Bu haqda Ole nashri xabar tarqatmoqda.

Aytish kerakki, 16 yoshli argentinalik futbolchi bungacha Argentinaning "River Pleyt" klubi akademiyasida shug‘ullanib kelayotgan edi. U madridliklar safiga 250 ming evro evaziga ko‘chib o‘tdi.

Ma’lumot uchun, Diego Simeonening bundan tashqari yana 2 ta o‘g‘li bor. Jovanni ayni damda “Kalyari”da, Janluka esa “Ibitsa” klubida to‘p surmoqda.