Синдаров ва Абдусатторов учун чемпионлик баҳслари яқинлашмоқда

Хабарингиз бор, Нидерланиянинг Вейк-ан-Зеэ шахри мезбонлигида ўтказилаётган “Tata Steel Chess 2026” мусобақасининг ҳал қлувчи баҳсларига етиб келдик.

Ўзбекча дербидаги дурангдан сўнг, ҳамюртларимиз ҳамон турнирда пешқадамлик қилмоқда. Нодирбек 6 очко билан биринчи ўринда, Жавоҳир эса 5.5 очко билан иккинчи ўринда бормоқда.

Таъкидлаш лозимки, 10 турда Синдаров энг асосий рақобатчиларидан бири Жорден ван Форестга қарши баҳс олиб боради. Айни вақтда икки шахматчиларнинг очколар сони бир хил, фақатгина қўшимча статистикалар нуқтаи назаридан Жавоҳир нидерландиялик рақибидан баландроқда.

Абдусатторов эса оқ доналардан Владимир Федосеевни мағлуб этишга ҳаракат қилади, биргина хато бугуннинг ўзида ҳамюртимизни учинчи ўринга тушириб юбориши мумкин.

Бугунги партияларда йигитларимизга омад тилаймиз!