“Сити” Гвардиолага ўринбосар топди
“Манчестер Сити”ни Европа чемпионлар лигаси ғолибига айлантира олмаётган Хосеп Гвардиоланинг клуб билан шартномаси якунланиб бормоқда. Томонлар янги битим бўйича бир қарорга келгани йўқ.
Шу боис “шаҳарликлар” раҳбарияти испаниялик мутахассис кетадиган бўлса, жамоани қайси мутахассисга топшириш бўйича бир қарорга келди.
Унга кўра, Хосеп Гвардиоланинг ўрнини “Лейпциг”ни Бундеслига грандлари қаторига қўша олган Юлиан Нагельсманн ва ҳозирда ишсиз юрган Маурисио Почеттино эгаллаши мумкин. Шундай бўлса-да, клуб хўжайинлари асосий эътиборни Гвардиоланинг ўзи билан келишувни узайтиришга қаратади.
49 ёшли Гвардиола 2016 йилнинг ёзидан бери “Манчестер Сити”ни бошқармоқда. Унинг ваколати мавсум охирида якунланади.
Фикрлар