"Сити" ҳимоячисини сотувга қўяди

"Манчестер Сити" марказий ҳимоячиси Эмерик Лапорт Йошко Гвардиол билан шартнома имзолаганидан кейин сотилади.

29 ёшли футболчи ўтган мавсумда "шаҳарликлар"нинг асосий таркибида камдан-кам майдонга тушди. Вазият ёмонлашиши мумкин. Сабаби, клуб "Лейпциг"дан марказий ҳимоячи Йошко Гвардиолни қўлга киритишга яқин турибди. У "Сити"нинг марказий ҳимоя чизиғидаги рақобатда Лапортдан юқорида бўлиши кутилмоқда. 

"Manchester Evening News" хабарига кўра, испаниялик 21 ёшли хорват билан шартнома имзолаганидан сўнг дарҳол трансферга қўйилади.

Эмерик Лапорт "Манчестер Сити"да 2018 йилдан бери тўп суради. Унинг клуб билан амалдаги шартномаси 2025 йилгача мўлжалланган.