"Сити" Ҳусанов ва яна икки трансферни қачон эълон қилади?

Ҳамюртимиз Абдуқодир Ҳусанов "Манчестер Сити" клуби аъзосига айланиб улгурганидан деярли барча футбол мухлисларимиз хабардор бўлса керак. 

Футболчимиз "шаҳарликлар" сафида тиббий кўрикдан ўтган ва ўзига рақам ҳам танлаган, аммо "шаҳарликлар" матбуот хизмати ҳали мазкур трансферни эълон қилганича йўқ. 

Бир қатор инглиз нашрлари берган маълумотларга кўра, "Сити" бугун Абдуқодир Ҳусанов ҳамда Витор Рейс трансферини эълон қилиши мумкин. Бундан ташқари, "Айнтрахт" юлдузи Омар Мармуш бугун тиббий кўрикдан ўтиши кутилмоқда. 

Маълумот учун, Ҳусанов "Сити"га 40+10 миллион еврога тушди (Фабрицио Романо берган хабарга кўра). У Манчестер клуби сафида 45-рақамда тўп тепиши кутилмоқда.