“Сити” ва “Арсенал” суперфутболчини талашяпти

Журналист Жанлуиджи Лонгари маълумотига кўра, “Манчестер Сити” ҳамда “Арсенал” ёзги трансферлар ойнаси даврида таркибини кучайтириш мақсадида “Челси” ярим ҳимоячиси Энцо Фернандесни ўз сафига қўшиб олишга ҳаракат қилмоқда.

Сўнгги маълумотларга қараганда, ҳар икки гранд клуб аргентиналик жаҳон чемпиони бўйича “аристократлар”дан трансфер маълумотларини сўраган.

Манбага кўра, Энцо Фернандеснинг ўзи “Челси”ни тезроқ тарк этишни истаяпти. “Манчестер Сити” ҳам, “Арсенал” ҳам уни тўлиқ трансфер қилиш учун харажатларга тайёрлигини билдирган.

Шунга қарамай, аргентиналик футболчининг асосий орзуси “Реал Мадрид”га ўтиш бўлиб қолмоқда. Бу трансфер амалга ошиши учун эса “Реал” аввал етакчи футболчиларидан бирини сотишига тўғри келади.

2025/26 йилги мавсумда Энцо Фернандес лондонликлар таркибида барча турнирларда 54 та ўйинда қатнашиб, 14 та гол урди ва 7 та ассист қайд этди.