“Сити” Холандни "боғлаб" қўймоқчи

“Манчестер Сити”нинг кейинги икки мавсумдаги муваффақиятларида Эрлинг Холанднинг ҳиссаси катта бўляпти.

Ҳозир Европанинг бир неча гранд клублари норвегиялик тўпурарни олиш режасини тузмоқда. “Шаҳарликлар”нинг футболчи билан шартномаси 2027 йилнинг ёзигача тузилган.

“Манчестер Сити” мутасаддилари футболчини узоқ муддат ўз сафида олиб қолиш учун унга янги битим беради. Ҳозир мана шу ҳужжатни тайёрлаш ишлари бошланган ва тез орада томонлар музокара ўтказиши кутиляпти.

Эрлинг Холанд ҳозирнинг ўзида Премьер-лигада энг катта маош олаётган футболчилар қаторига киради. Клуб унга ҳафтасига қарийб 400 минг фунт тўлаяпти. Айрим манбаларга кўра, Холанд янги битим имзоласа, унинг ҳафталик маоши 600 минг фунтгача кўтарилади.