"Сити"да тозалаш бошланди. Гвардиола 1 миллиард еврони оқлай олмаганларни ҳайдайди

“Манчестер Сити” раҳбарияти Хосеп Гвардиола жамоани бошқараётганидан бери трансферларга бир миллиард еврога яқин маблағ сарфлади. Бу сумманинг учдан биридан кўпроғи ҳимоячиларни олишга кетди. Ҳозир, “шаҳарликлар” захира ўриндиғи премьер-лигада энг узуни ҳисобланади.

Хосеп Гвардиола янги вазифаларга мослаша олмаган барча футболчиларни ёзда жамоадан кетказишини маълум қилди.

- Барча ўйинчиларимиз бу ерда узоқ йиллар қолишга лойиқ. Уларнинг ўзига хос сифатлари борлигига шубҳа йўқ. Лекин йилдан йилга вазият ўзгариб боради. Чунки янги вазифаларга мослашиб, ўз ишини уддалайдиган футболчилар келмоқда. Бироқ, янгиликни қабул қила олмайдиганлар ҳам йўқ эмас. Ана шундай ўйинчилар жамоани тарк этиши керак, - деди Гвардиола.

“Манчестер Сити” айни пайтда премьер-лигада пешқадамлик қилмоқда ва энг яқин таъқибчиларини 10 очкога ортда қолдиряпти.