“Спартак” Ўрунов учун қанча тўлаган? Остоннинг ҳақиқий трансфер суммаси ошкор бўлди

“Спартак” бош директори Шамиль Газизов журналистлар билан суҳбатда “Уфа”нинг истеъдодли футболчиси Остон Ўрунов учун аслида қанча харажат қилинганини ошкор қилди. Transfermarkt портали ва оммавий аборот воситалари бу трансфер 1,5 миллион еврога тушганини ёзганди. Аслида трансфер бошқа суммада амалга оширилган экан.

1581316578_ufa2

- Остон Ўрунов Сизнинг “Спартак”даги биринчи трансферингиз бўлди. Афсусланмаяпсизми?

- Бу ерда бошқа гап бор. Агар мен Остонни “Спартак”га олиб келмаганимда, у ҳозир бошқа клубда ўйнаётган бўларди.

- Мен бошқа жамоа ЦСКА эканини биламан...

- Ҳа, ЦСКА ёки "Рубин”га ҳам ўтиши мумкин эди. У юқори даражада ўйнаган бўларди, бу ҳеч кимга сир эмас. Бугун футбол билан шуғулланаётган одамларнинг ҳаммаси буни яхши билади. Уни олмаганимда ҳам танқидлар остида қолардим. Ўзининг қўл остидаги ўйинчини олиб келмади, дейишарди. Шундай бўлганда, мен ҳам ўзимни койирдим: “Уфа”дан “Спартак”га ўтаётгандан жамоанинг ўсишга қодир бўлган асосий ўйинчисини нега олиб кетмадим?”. 

Бу футболчини қўлдан чиқаришга ҳаққим ҳам, имкониятим ҳам йўқ эди. Остон тўғрисида ўзимга яқин одамлар билан мураккаб тортишув ва мунозаралар бўлганди.

- Ким билан?

- Ҳозир буни айтгим йўқ.

- Улар Москва клублариданми?

- Албатта.

- Балки Сиз ЦСКАни назарда тутаётгандирсиз. Улар Ўруновни олишни истаганди. Буни Гончаренко ҳам, Гирер ҳам жуда қаттиқ хоҳлаганди. Мен ҳатто сўнгги йилларда ЦСКАнинг ёнида турган Алишер Усмонов ҳам бу воқеаларга аралашганини эшитдим. Сиз Усмонов билан гаплашдингизми?

4a39ad59f11ea83a9f45e98760dd8

- Йўқ. Мен бу воқеага “катта одамлар” аралашадиган даражада тус бера олмайман. Мен бир гапни яна қайтариб айтаман. Россия футболидаги ҳар бир одам, умуман олганда, ҳамма буни билади. Мен Ўруновни “Спартак”га олиб келмасам бўлмасди. У “Спартак”да ўз вазифасини, албатта, бажаради. Уни трансфер мавсумининг охириги лаҳзаларигача “Спартак”дан олишга тайёрлар бор эди.Ҳозир ҳам сўраётганлар бор.

- Ким уни олмоқчи бўлди, ижарагами?

- Ижарага олишдан ташқари, трансфер қиладиганлар ҳам бор.

- Икки миллион евродан ортиғига оладиганлар борми?

- Албатта. Аслида Остон Ўрунов бир миллион еврога олинган. Уни қўлга киритиш учун “Спартак” ҳаммаси бўлиб,  1,3 миллион евро сарфлади. Бу трансфер жуда қийин кечди.

- Мозеснинг трансферидан ҳам қийин бўлдими?

- Ҳа, шундай бўлди.

Остон Ўрунов трансфери ҳамон Россия матбуотида кенг муҳокама қилинмоқда. Асарият мутахассислар ўзбекистонлик ярим ҳимоячининг катта салоҳиятига эга эканини, у "Спартак" ўйинига мослашиб олса, бор истеъдодини намоён эта олишига ишонмоқда. 

Ўз навбатида, ҳамюртимизни танқид қилаётганлар ҳам йўқ эмас. Уларнинг аксарияти "Спартак" бош директори Шамиль Газизовдан юлдуз даражасидаги футболчиларни олиб келишни талаб қилган мухлислар ва мутахассислардир.

Шу ўринда, Остон Ўрунов анча ёш эканини алоҳида таъкидлаш лозим. Унинг янги жамоага ва янги муҳитга мослашиши учун вақт керак. Бундан ташқари, футболчимизнинг трансфер вақтида коронавирусга чалингани, октябрь ва ноябрь ойларида кетма-кет икки марта жароҳат олгани ҳам унинг ўзини кўрсатишига салбиқ таъсир қилмоқда. 

Тедеско: Кокорин бўлмаса, Ўрунов бор!

Россия футболида можаро. Жалолиддинов жамоадошлари Ўрунов жамоасига қарши ўйнашдан бош тортмоқда!

“Ўруновнинг зўр футболчи бўлишига ишонмайман!”

 

Фикрлар

Фикр қолдириш учун авторизациядан ўтинг!